Samuna Kieleka ya Me Tala Yezu ti Kikesa

Kikesa na beto ke kumaka mingi ntangu beto ke zabaka mutindu ya kulonga bantu ya nkaka kieleka ya me tala Yezu. Yezu kele ditadi ya kikonko ya fondasio kisika lukwikilu ya kieleka me tungamaka. (Baef. 2:20) Sambu na yandi, beto ke vandaka ti kivuvu ya luzingu. (Bis. 4:12) Yo yina, yo kele mfunu nde bantu yonso kuzaba mukumba ya Yezu na lukanu ya Nzambi. Bo me longaka bantu mingi malongi ya kele ve na Biblia. Diambu ya mawa kele nde bantu ya mutindu yai lenda baka ve balusakumunu yina Nzambi me silaka bantu ya ke monisaka lukwikilu na Yezu. Kana beto ke samuna kieleka ti kikesa, yo ta pusa beto na kusadisa bantu ya ntima ya mbote na kubaka nzayilu ya siki-siki ya me tala Yezu, bangwisana na yandi ti Nzambi mpi mukumba na yandi na lukanu ya Nzambi. Keti nge ta samuna ti kikesa kieleka ya me tala Yezu na nsungi yai ya Lusungiminu?