Mvutukilu ya Nzo-Nkanda ya Kisalu ya Teokrasi
Beno ta sadila bangiufula yai ya ke landa na Nzo-Nkanda ya Kisalu ya Teokrasi na mposo yina ke banda na Desembri 28, 2015. Beto me tula dati yina beno ta longuka mambu yonso yina bangiufula ke tadila na mpila nde beno kuka kusala bansosa ntangu beno ta bongisaka nzo-nkanda konso mposo.
Keti Davidi vandaka kuniokula bantu yina yandi vandaka kukanga, mutindu bantu ya nkaka ke bakisaka 1 Bansangu 20:3? [Nov. 2, w05-F 2/15 lut. 27]
Inki pusaka Davidi na kumonisa kikalulu ya kukaba, mpi nki ta sadisa beto na kusala mutindu mosi? (1 Bans. 22:5) [Nov. 9, w05 11/1 lut. 11 par. 6]
Davidi zolaka kutuba nki ntangu yandi zabisaka Salomo nde: “Zaba Nzambi ya tata na nge”? (1 Bans. 28:9) [Nov. 16, w10-F 11/1 lut. 30 bapar. 3, 7]
Diambu ya Salomo lombaka na kisambu na 2 Bansangu 1:10 ke monisa nki sambu na yandi, mpi nki dilongi beto lenda baka kana beto ke tadila bisambu na beto na Yehowa? (2 Bans. 1:11, 12) [Nov. 23, w06 1/1 lut. 15 par. 6]
Mukanda ya 2 Bansangu 6:29, 30 ke tubila nki kikalulu yina Yehowa mpamba kele ti yo, mpi sambu na nki beto fwete songa yandi mambu yonso ya beto kele ti yo na ntima? (Nk. 55:23) [Nov. 30, w10-F 12/1 lut. 11 par. 7]
Sambu na nki kima Aza vandaka kudibanza ntangu yandi sambaka Yehowa na kununga basoda mingi yina kwisaka kunwanisa yandi, mpi diambu yai ke ndimisa beto nki sambu na bitumba na beto ya kimpeve? (2 Bans. 14:10) [Des. 7, w12-F 8/15 lut. 8 par. 6–lut. 9 par. 1]
Mutindu Yehowa sadilaka ntotila Yozafati mambu ntangu yandi salaka kifu ke ndimisa beto nki na yina me tala zola ya Nzambi, mpi nki dilongi beto lenda baka na mutindu beto ke tadilaka bantu ya nkaka? (2 Bans. 19:3) [Des. 14, w03 7/1 lut. 26 par. 13; cl lut. 244 par. 12]
Na bilumbu na beto, sambu na nki beto fwete “telama kaka pana” mpi ‘beto fwete nikana ve’? (2 Bans. 20:17) [Des. 21, w06 1/1 lut. 17 par. 1; w03 6/1 lut. 32 bapar. 15-16]
Mukanda ya 2 Bansangu 21:20 ya ke tubila lufwa ya Yehorami ke yibusa beto nki? [Des. 21, w98-F 11/15 lut. 32 par. 4]
Na kutadila 2 Bansangu 26:5, nani sadisaka Uzia na kuvanda ti bikalulu ya mbote ntangu yandi vandaka leke, mpi nki mambote baleke lenda baka na Bakristu ya kuyela na kimpeve bubu yai? [Des. 28, w07-F 12/15 lut. 10 bapar. 2, 4]