Landa Bitambi ya Kristu Mbote-Mbote

Yezu bikilaka beto mbandu ya kulanda, mingi-mingi ntangu beto ke kutana ti bampasi to mimekamu. (1Pi 2:21-23) Ntangu bo vandaka kufinga Yezu, yandi vutulaka ve ata ntangu bo vandaka kuniokula yandi. (Mar 15:29-32) Inki sadisaka yandi na kukanga ntima? Yandi vandaka kusala luzolo ya Yehowa. (Yoa 6:38) Diaka, yandi vandaka kutula dikebi na “kiese yina Nzambi tulaka na ntwala na yandi.”—Ebr 12:2.

Inki beto fwete sala ntangu bantu ke niokula beto sambu na lukwikilu na beto? Bakristu ya Kieleka ke ‘vutulaka ve mbi sambu na mbi.’ (Bar 12:14, 17) Kana beto ke landa mbandu ya Kristu ya kukanga ntima na bampasi, beto ta vanda na kiese sambu Nzambi ta ndima beto.—Mat 5:10-12; 1Pi 4:12-14.

TALA VIDEO ZINA YA YEHOWA KELE MFUNU MINGI, MPI NA NIMA PESA MVUTU NA BANGIUFULA YAI KE LANDA:

• Inki mutindu mpangi-nkento Pötzingera sadilaka ntangu na yandi mbote ntangu yandi vandaka na boloko?

• Mpangi Pötzinger ti nkento na yandi kangaka ntima na nki bampasi ntangu bo vandaka na bakan ya konsatrasio?

• Inki sadisaka bo na kukanga ntima?