Sala na Mpila nde Kulonguka na Nge Mosi Kunatila Nge Mambote

MFUNU NA YO: Kulonguka na beto mosi ya Biblia ke sadisaka beto na “kubakisa mbote-mbote bunene, bunda, ntela, mpi mudindu” ya kieleka. (Efe 3:18) Yo ke sadisaka beto mpi na kubikala ya kukonda kifu, ya kukonda mvindu na nsi ntoto yai ya mbi mpi na kulanda ‘kusimba ngolo ndinga ya luzingu.’ (Fil 2:15, 16) Kulonguka na beto mosi ya Ndinga ya Nzambi ke sadisaka beto na kupona mambu yina beto kele na yo mfunu. Inki mutindu beto lenda baka mambote ntangu beto ke tanga mpi ke longuka Biblia?

MUTINDU YA KUSALA YO:

• Tula dikebi na baverse mpi baka banoti na Biblia na nge, yo vanda na apareyi

• Kudiyula bangiufula yai ntangu nge ke tanga Biblia: Nani? Inki? Inki ntangu? Na wapi? Sambu na nki? Mpi nki mutindu?

• Zikisa mambu mbote-mbote. Sadila bisadilu ya bansosa yina beto kele na yo, sosa na ntu-diambu to na verse ya Biblia

• Yindulula mambu yina nge ke tanga sambu na kuzaba mutindu yo ke tadila nge

• Sadila mambu yina nge ke longuka konso kilumbu. —Luk 6:47, 48

SONGA VIDEO LANDA “KUKUMISA NGOLO” KULONGUKA NA NGE MOSI, NA NIMA BENO PESA MVUTU NA BANGIUFULA YAI:

• Inki mutindu bantu ya nkaka ke salaka kulonguka na bo mosi?

• Sambu na nki beto fwete samba na ntwala ya kuyantika kulonguka na beto mosi?

• Inki lenda sadisa beto na kubakisa mbote-mbote baverse ya Biblia

• Bidimbu ya nki mutindu beto lenda tula ntangu beto ke longuka Biblia?

• Sambu na nki kuyindulula kele mfunu mingi ntangu beto ke longuka Ndinga ya Nzambi?

• Inki mutindu beto lenda sadila mambu yina beto ke longuka?