Tii Kuna Lufutumuku Ta Salama

Kana muntu ya beto vandaka kuzola me fwa, kivuvu ya lufutumuku ke pesaka beto kikesa. Ata mpidina, disumu mpi lufwa kele bonso lele mosi ya kilo ya ke kangaka beto mpema sambu kuka ve kupema mbote. (Yez 25:7, 8) Yo kele na kati ya bikuma yina ke salaka nde ‘lugangu yonso kulanda kudila kumosi mpi kumona mpasi kumosi.’ (Bar 8:22) Inki mutindu beto lenda kanga ntima na mpasi ya beto ke waka kana muntu ya beto vandaka kuzola me fwa tii kuna yandi ta futumuka? Ndinga ya Nzambi kele ti minsiku yina lenda sadisa beto.

SONGA VIDEO KANA MUNTU YA NGE VANDAKA KUZOLA ME FWA, NA NIMA BENO PESA BAMVUTU NA BANGIUFULA YAI:

• Inki mpasi Danielle, Masahiro mpi Yoshimi kutanaka ti yo?

• Inki mutindu bandongisila tanu ya mfunu sadisaka bo?

• Nani muntu me fwana kuluta na kupesa beto kikesa?—2Bk 1:3, 4