Mutindu ya Kulonguka

Keti nge ke sepelaka kutanga masolo ya luzingu ya bampangi?

Mpangi mosi ti nkento na yandi ke tangaka disolo mosi ya luzingu konso suka. Bo ke tuba nde: “Masolo yina ya luzingu ke pesaka beto kiese mpi kikesa kibeni. Yo ke yibusaka beto nde beto mpi lenda landa kusadila Yehowa na mutindu ya mbote na bantangu ya kiese mpi ya mpasi.” Mpangi-nkento mosi ya ke waka kiese mpi ke bakaka kikesa ntangu yandi ke tangaka masolo ya luzingu ke tuba mpi nde: “Masolo yina ya luzingu ke pesaka mono kikesa, yo ke pusaka mono na kusala mambu ya mbote mpi yo ke pesaka mono kiese. Bampangi na beto ke bakaka balukanu ya mbote mpi yo ke sadisaka bo na kuvanda ti luzingu ya mbote. Masolo na bo ke pusaka mono na kulonga mingi nsangu ya mbote mpi yo ke sadisaka mono na kusiamisa bana na mono na kusala kisalu ya ntangu yonso sambu na Yehowa.”

Masolo ya luzingu lenda sadisa nge na kusala mingi na kisalu ya Yehowa, na kunwana ti bifu na nge mpi na kukanga ntima ti kiese na bampasi ya ngolo yina nge lenda kutana ti yo. Na wapi nge lenda zwa masolo yina ya luzingu?

• Kota na masolo ya kulandana “Masolo ya Luzingu ya Bambangi ya Yehowa” na jw.org to na JW Library®.

• Sosa “Masolo ya Luzingu ya Bambangi ya Yehowa” na BIBLIOTEKE NA INTERNET^™ to na Watchtower Library.