Mukanda ya Ntama Kansi yo Kele Mfunu Bubu Yai
Bantu mingi ke tubaka nde Biblia kele mukanda ya santu. Yo kele mukanda ya santu yina ke songaka beto mutindu ya kusambila Nzambi kansi yo ke tubilaka mpi mambu ya nkaka. Bandongisila na yo kele mfunu sambu na luzingu.
Mu mbandu, beto tadila mambu yina bantu mingi ke tuba sambu na mambote yina bo ke zwaka ntangu bo ke tangaka Biblia mpi bo ke sadilaka bandongisila na yo.
Fiona ke tuba nde: “Mono kele ti luzingu ya mbote kibeni. Mutindu na mono ya kuyindula mpi ya kudiwa me sobaka. Mono kele na kiese.”
Gnitko ke tuba nde: “Banda mono ke longukaka Biblia, mono me kumaka ti luzingu ya mbote mpi mono me bakisaka kikuma ya luzingu.”
Andrew ke tuba nde: “Luzingu na mono me kumaka mbote kibeni. Mono ke salaka diaka ve kisalu bantangu mingi mpi mono ke zwaka ntangu mingi ya kuvanda ti dibuta na mono.”
Bantu mingi ke tubaka mutindu yai. Bantu mingi me bakisaka nde Biblia ke pesaka bandongisila mingi ya mfunu sambu na luzingu ya konso kilumbu.
Beto tala mutindu Biblia lenda sadisa nge na kusoba. . .
Sante na nge
Mabanza na nge
Luzingu ya Dibuta mpi banduku na nge
Mutindu nge lenda sadila mbongo mbote
Kinduku na nge ti Nzambi
Masolo yina ke landa ta monisa nde Biblia kele mukanda yina me katukaka na Nzambi mpi yo lenda sadisa nge na mambu mingi na luzingu ya konso kilumbu.