Yantika Kukatuka na Kimpika ya Bana ya Israele na Egypte tii na Ntotila ya Ntete ya Israele

Moïse nataka bana ya Israele tii na Ngumba Sinaï. Kisika ya Nzambi pesaka bau bansiku na yandi. Na nima, Moïse tindaka bantu 12 sambu na kuzikisa insi Kana. Na ntangu bau vutukaka, bantu 10 na kati na bau titisaka bantu. Yau yina, bana ya Israele zolaka kuvutuka na Egypte. Nzambi lolaka bau sambu bau kukondaka lukwikilu na kuyungisaka bau bamvula 40 na ntoto ya makanga.

Na nima Nzambi solaka Josué sambu na kukotisa bana ya Israele na insi Kana. Jéhovah salaka bidimbu ya nkumbwa sambu na kusadisa bau na kubaka insi yina: yandi kangisaka Masa ya Yurdani, yandi bwisaka bibaka ya Yeriko, yandi tedimisaka ntangu kilumbu mosi ya mvimba. Na nima ya bamvula sambanu, bau bakaka insi ya Kana yonso.

Yantika Josué, bazuzi yalaka ntoto ya Israele bamvula 356. Na bankenda kelanda beto tatubila bazuzi bonso Barak, Gédéon, Jefté, Samson mpi Samuel. Beto tatubila mpi sambu na bankento bonso Rahab, Débora, Jahel, Luti, Naomi na Dalila. Ndambu ya TATU ketubila mambu yina kusalamaka na nsungi ya bamvula 396.