Madya Yampa

KETI beno lenda tuba nki bantu kelokuta na ntoto? Yau kele ya mpembe, ya fyoti mpi ngolo ve. Yau kele bima ya kudya.

Kulutaka ngonda mosi ve ya bana ya Israele kubasikaka na Egypte, mpi bau kumaka na ntoto ya makanga. Kuna madya kemenaka mingi ve, mpi bau yantikaka kubokuta nde: ‘Sambu na nki beto fwilaka na Egypte ve. Kuna beto vandaka kudya bima mingi.’

Ebuna Jéhovah tubaka nde: ‘Mono kenokisila bau madya banda na zulu.’ Mpi yandi salaka yau. Kilumbu yina kulandaka, ntangu bau monaka bima yina ya mpembe, yina kukatukaka na zulu, bana ya Israele kudiyufulaka nde: ‘Inki bima yai?’

Moïse tubilaka bau nde: ‘Yai kele mampa ya Jéhovah mepesa beno.’ Bantu bingaka yau na zina ya MANNA. Ntomo ya manna yina vandaka bonso ntomo ya mikati mesalama na bwiki.

Moïse pesaka bau nswa: ‘Beno lokuta yau konso muntu na kiteso yandi tadya.’ Bana ya Israele vandaka kulokuta yau konso suka mpi, ntangu mwini vandaka kuma ngolo, yina vandaka kubikala na ntoto vandaka kukuma masa-masa.

Moïse tubaka dyaka nde: ‘Muntu kubumba ve sambu na mbasi.’ Kansi bantu yankaka kulemfukilaka ve Moïse mpi bau bumbaka. Beno zaba nki kubwaka? Misopi kotaka mpi yau yantikaka na kubasisa nsudi!

Kansi, kilumbu mosi ya mposo bantu vandaka na nswa ya kulokuta yau mingi mpi kubumba yau. Yau vandaka kilumbu ya mposo. Kilumbu yina, bau vandaka na nswa ya kulokuta yau mingi mpi kubumba yau sambu na lumingu, Jéhovah vandaka kunokisa ve manna. Bau vandaka kubumba yau kilumbu yina, kansi misopi vandaka kukota ve, mpi yau vandaka kubasika ve nsudi ya mbi! Yau vandaka dyaka kimpa!

Ntangu yonso yina bana ya Israele vandaka na ntoto ya makanga, Jéhovah pesaka bau manna.