Ntoto Ta Kuma Paladisu

Yehowa ta katula mambu yonso ya mbi yina Satana me salaka. Yehowa me tulaka Yezu Ntotila ya ntoto ya mvimba. Ntangu yandi ta yantika kuyala, ntoto ta kuma paladisu.​—Daniele 7:13, 14; Luka 23:43.

Yai kele mambu yina Yehowa me tuba nde yo ta salama:

• MADIA TA VANDA MINGI: “Ntoto ta buta mbuma na yo; Nzambi, Nzambi na beto, ta sakumuna beto.” “Mbuma ta vanda mingi kibeni na ntoto; yo ta fuluka na nsongi ya bangumba.”​—Nkunga 67:6; 72:16.

• BITUMBA TA VANDA DIAKA VE: “Beno kwisa mpi beno mona bisalu ya Yehowa, mutindu yandi me sala bima ya ke yitukisa ngolo na ntoto. Yandi ke sukisa bitumba na ntoto ya mvimba.”​—Nkunga 46:8, 9.

• BANTU YA MBI TA VANDA DIAKA VE: “Sambu bo ta fwa bantu ya mbi . . . Kubika kaka fioti, mpi bantu ya mbi ta vanda diaka ve; nge ta tala kisika yina bo vandaka, mpi bo ta vanda ve pana.”​—Nkunga 37:9, 10.

• 

  MALADI, MAWA, LUFWA TA VANDA DIAKA VE: “Na ntangu yina meso ya bifwa-meso ta kanguka, mpi makutu ya bifwa-makutu ta wa. Na ntangu yina muntu ya dikulu-kifu ta pumbuka bonso kabuluku, mpi ludimi ya baba ta tula milolo ya kiese.”​—Yezaya 35:5, 6.

  “Mpi Nzambi yandi mosi ta vanda ti bo. Mpi yandi ta kusula mansanga yonso na meso na bo, lufwa ta vandaka diaka ve; mawa, bidilu, mpi mpasi ta vandaka diaka ve. Mambu ya ntama me vila.”​—Kusonga 21:3, 4.

Yehowa kele ve bonso Satana ti bademo. Yandi ke kusaka ve ata fioti. Mambu yonso ya yandi ke tubaka ke salamaka. (Luka 1:36, 37) Yehowa ke zolaka nge mpi yandi ke zola nde nge zinga na Paladisu yina yandi ta tula. Yo yina, solula ti Bambangi ya Yehowa sambu na kuzaba mambu mingi na yina me tala bakieleka ya kitoko ya kele na Ndinga ya Nzambi. Kana nge sadila kieleka na luzingu na nge, nge ta katuka na kimpika ya luvunu, ya boma ya kukonda mfunu, mpi ya kukonda kuzaba mambu. Na nima, nge ta katuka nkutu na kimpika ya disumu mpi ya lufwa. Yezu tubaka nde: “Beno ta zaba kieleka, ebuna kieleka ta katula beno na kimpika.”​—Yoane 8:32.