Dilongi Ya 1

Mutindu ya Nge Lenda Kuzaba Mambu ya Nzambi Kelomba

Inki malongi ya mfunu kele na kati ya Biblia? (1)

Nani kele munkwa ya Biblia? (2)

Sambu na inki nge fwete kulonguka Biblia? (3)

1. Biblia kele dikabu ya kuluta mbote yina mekatuka na Nzambi. Yau kele bonso mukanda yina tata ya zolwa mesonikila bana na yandi. Yau ketubila beto kyeleka na yina ketadila Nzambi​—⁠yandi kele nani mpi bansiku na yandi kele inki. Yau ketendula inki mutindu kununga bampasi mpi inki mutindu kuzwa kyese ya kyeleka. Kaka Biblia yau mosi kesonga beto mambu ya beto fwete kusala sambu na kuyangidika Nzambi.​—⁠Nkunga 1:​1-3; Yezaya 48:​17, 18.

2. Biblia kusonamaka na bantu 40 ya kuswaswana na nsungi ya bamvula kuluta 1600, yantika na 1513 N.T.B. Yau mesalamaka na mikanda ya fyoti 66. Bayina kusonikaka Biblia kuvandaka ya kupemama na Nzambi. Bau kusonikaka bangindu na yandi, kansi ya bau mosi ve. Yau yina, Nzambi na zulu, kansi ata muntu mosi ve awa na ntoto, kele Munkwa Biblia.​—⁠2 Timoteo 3:​16, 17; 2 Piere 1:​20, 21.

3. Nzambi mendimisaka nde Biblia kusonamaka mpi kutaninamaka mbotembote. Babiblia menyemamaka mingi kibeni kuluta konso mukanda yina. Bantu yonso ve tayangalala na kumona nge kelonguka Biblia, kansi kubikisa yau ve na kukanga nge nzila. Makwisa na nge ya mvula na mvula mesimbama na mbakilu na nge ya nzayilu ya Nzambi mpi nsadilu ya luzolo na yandi na kati ya luteleminu.​—⁠Matayo 5:​10-12; Yoane 17:⁠3.