Dilongi Ya 16

Nzengolo na Nge ya Kusadila Nzambi

Inki nge fwete kusala sambu na kukuma nduku ya Nzambi? (1, 2)

Inki mutindu nge kepesaka luzingu na nge na Nzambi? (1)

Inki ntangu nge fwete kubaka mbotika? (2)

Inki mutindu nge lenda kubaka ngolo sambu na kubikala ya kwikama na ntwala ya Nzambi? (3)

1. Sambu na kukuma nduku ya Nzambi, nge fwete (1) kubaka nzayilu ya mbote ya kyeleka ya Biblia (1 Timoteo 2:​3, 4), kukwikila na mambu ya nge melonguka (Baebreo 11:⁠6), kubalula ntima na masumu na nge (Bisalu 17:​30, 31), mpi kubaluka na nzila na nge ya luzingu. (Bisalu 3:19) Na nsuka, zola na nge sambu na Nzambi fwete kupusa nge na kudipesa na yandi. Dyambu yai ketendula nde na kisambu na nge mosi, na kinsweki, nge kesonga yandi nde nge kekudipesa na yandi sambu na kusala luzolo na yandi.​—⁠Matayo 16:24; 22:⁠37.

2. Na nima ya kudipesa na Nzambi, nge fwete kubaka mbotika. (Matayo 28:​19, 20) Mbotika kemonisaka muntu yonso nde nge mekudipesaka na Yehowa. Yau yina, mbotika kele kaka sambu na bayina melunga na kubaka nzengolo ya kusadila Nzambi. Kana muntu mebaka mbotika, nitu na yandi ya mvimba fwete kudindisama na kati ya masa.a​—⁠Marko 1:​9, 10; Bisalu 8:⁠36.

3. Na nima ya kudipesa, Yehowa tazola kumona nge kezinga na kuwakana ti lusilu na nge. (Nkunga 50:14; Longi 5:​4, 5) Dyabulu tasala yonso sambu na kukanga nge nzila ya kusadila Yehowa. (1 Piere 5:⁠8) Kansi kangama ngolo ti Yehowa na nzila ya kisambu. (Filipi 4:​6, 7) Longukaka Ndinga na yandi konso kilumbu. (Nkunga 1:​1-3) Kangama ngolo kibeni ti dibundu. (Baebreo 13:17) Na kusalaka mambu yai yonso, nge tabaka ngolo ya kubikala ya kwikama na Nzambi. Ebuna, nge lenda kusala kimakulu mambu yina Nzambi kelomba na nge!

[Noti na nsi ya lutiti]