Watchtower MIKANDA YA KE NA INTERNET
Watchtower
MIKANDA YA KE NA INTERNET
Kikongo (Rép. dém. du congo)
  • BIBLIA
  • MIKANDA
  • BALUKUTAKANU
  • lfb dilongi 80 lut. 188-lut. 189 par. 1
  • Yezu Me Pona Bantumwa Kumi na Zole

Kele ve ti video sambu na mambu ya nge ke sosa.

Kifu me salama na ntangu ya kubaka video.

  • Yezu Me Pona Bantumwa Kumi na Zole
  • Malongi Yina Nge Lenda Baka na Biblia
  • Mambu ya Mutindu Mosi
  • Yezu Me Pona Bantumwa Kumi na Zole
    Yezu Kele Nzila, Kieleka, mpi Luzingu
  • Yezu Kepona Bantumwa na Yandi
    Muntu ya Kuluta Nene ya Ntangu Yonso
  • Yezu Ke Longa na Ngumba
    Mukanda ya Bankenda ya Bible
  • Bayina Kukumaka Balongoki ya Yezu
    Longuka na Longi ya Nene
Malongi Yina Nge Lenda Baka na Biblia
lfb dilongi 80 lut. 188-lut. 189 par. 1
Yezu ti bantuwama na yandi 12

DILONGI 80

Yezu Me Pona Bantumwa Kumi na Zole

Na nima ya kulonga kiteso ya mvula mosi ti ndambu, yo lombaka nde Yezu kubaka desizio mosi ya mfunu. Banani yandi ta pona sambu bo salaka mingi ti yandi? Banani yandi ta pesa formasio sambu bo twadisa dibundu ya Bukristu? Sambu na kubaka badesizio yina, Yezu vandaka na mfunu ya lusadisu ya Yehowa. Yo yina, yandi kwendaka na ngumba mosi kisika yandi lenda vanda yandi mosi, mpi yandi sambaka mpimpa ya mvimba. Na suka, Yezu bingaka balongoki na yandi yonso mpi yandi ponaka bantumwa 12. Bazina ya banani nge ke yibuka? Bazina na bo yo yai: Piere, Andre, Yakobo, Yoane, Filipo, Bartelemi, Toma, Matayo, Yakobo mwana ya Alfeo, Tadeo, Simoni, mpi Yudasi Iskariote.

Andre, Piere, Filipo, Yakobo

Andre, Piere, Filipo, Yakobo

Bantumwa 12 yai kumaka kutambula mpi kulonga kumosi ti Yezu. Na nima ya kupesa bo formasio, yandi tindaka bo na kwenda kulonga bo mosi. Yehowa pesaka bo ngolo ya kubasisa bademo mpi ya kubelula bambefo.

Yoane, Matayo, Bartelemi, Toma

Yoane, Matayo, Bartelemi, Toma

Yezu vandaka kubinga bantumwa 12 banduku na yandi, mpi yandi vandaka kutudila bo ntima. Bafarize vandaka kuyindula nde bantumwa vandaka bantu ya me longukaka ve mpi ya mpamba. Kansi Yezu pesaka bo formasio sambu na kisalu yina. Bo zolaka kuvanda ti Yezu na bantangu ya kuluta mfunu ya luzingu na yandi, mu mbandu na ntwala ya lufwa na yandi mpi na nima ya lufutumuku na yandi. Bonso Yezu, bantu mingi na kati ya bantumwa 12 katukaka na Galilea. Bankaka vandaka ti bankento.

Yakobo mwana ya Alfeo, Yudasi Iskariote, Tadeo, Simoni

Yakobo mwana ya Alfeo, Yudasi Iskariote, Tadeo, Simoni

Bantumwa vandaka bantu ya kukonda kukuka yina vandaka kusala bifu. Bantangu ya nkaka bo vandaka kutuba na ntwala ya kuyindula mpi bo bakaka badesizio ya mbi. Bantangu ya nkaka bo vandaka ntima zulu-zulu. Bantangu ya nkaka diaka bo swanaka sambu na kuzaba nani me luta bankaka. Kansi bo vandaka bantu ya mbote yina vandaka kuzola Yehowa. Bo zolaka kuvanda bantu ya ntete ya dibundu ya Bukristu kana Yezu me kwenda.

“Mono ke binga beno banduku, sambu mono me zabisaka beno mambu yonso ya mono waka na Tata na mono.”—Yoane 15:15

Bangiufula: Banani Yezu ponaka na kuvanda bantumwa na yandi 12? Yezu tindaka bantumwa na yandi na kusala inki?

Matayo 10:1-10; Marko 3:13-19; 10:35-40; Luka 6:12-16; Yoane 15:15; 20:24, 25; Bisalu 2:7; 4:13; 1 Bakorinto 9:5; Baefezo 2:20-22

    Mikanda ya Kikongo (1982-2025)
    Basika
    Kota
    • Kikongo (Rép. dém. du congo)
    • Kabula
    • Mambu ya Nge Me Zola
    • Copyright © 2025 Watch Tower Bible and Tract Society of Pennsylvania
    • Bantuma ya Kulanda na Ntwala ya Kusadila
    • Bansiku ya Ke Tadila Kinsweki
    • Paramètres de confidentialité
    • JW.ORG
    • Kota
    Kabula