Simba Ntima ya Bawi

Bingana 3:1

NA BUNKUFI: Sadisa bawi na kusepela ti malongi mpi kusadila yo na luzingu na bo.

MUTINDU YA KUSALA YO:

• Sadisa bawi na kuditadila diaka mbote. Yula bangiufula yina ta pusa bawi na kuyindula mpi na kutadila diaka mutindu na bo ya kuzinga.

• Siamisa bawi na kusala mambu ti bikuma ya mbote. Yindula ti bawi sambu na kusadisa bo na kubakisa bikuma yina fwete pusa bo na kusala mambu ya mbote. Sadisa bo na kubakisa nde zola sambu na Yehowa, sambu na bampangi mpi sambu na malongi ya Biblia, fwete pusa bo na kusala mambu ya mbote. Sadisa bawi na kubakisa mayele yina kele na Biblia, kumonisa bo ve nde bo ke sala ve mambu ya mbote. Na kisika ya kutuba mambu yina ta yangisa bawi, pesa bo kikesa, siamisa bo na kusala bikesa.

• Benda dikebi ya bawi na Yehowa. Monisa pwelele mutindu malongi, minsiku mpi bansiku ya Biblia ke monisaka bikalulu ya Nzambi mpi zola na yandi sambu na beto. Pesa bawi mpusa ya ngolo ya kuzola mambu yina Yehowa ke zolaka mpi ya kusepedisa yandi.