Baluzayisu Sambu na Bawi

MBOTIKA Bankuluntu ya dibundu na beno me yidika mambu mbote mpi na kutadila mutindu mambu ke salama na teritware na beno sambu bampangi yina ta baka mbotika kubaka mbotika kana kitini ya lukutakanu ya ntwala ya midi ya kilumbu ya Mposo me mana.

MAKABU Bo me balula lukutakanu yai ya distrike na bandinga kuluta 400. Makabu na beno ya luzolo ya mbote ke pesaka maboko na kisalu yina ke salama na ntoto ya mvimba. Beno lenda pesa mpi makabu na nzila ya Internet. Sambu na kusala yo, kota na donate.jw.org. Beto ke sepelaka mingi ti makabu yonso ya beno ke pesaka. Nto-Kimvuka ke pesa beno mersi mutindu beno ke pesaka makabu sambu na kupesa maboko na mambote ya Kimfumu.

NZO-NKANDA YA BANSAMUNI YA KIMFUMU Beto ke lomba bapasudi-nzila yina kele ti bamvula banda na 23 tii na 65 ya ke zola kuyedisa kisalu na bo na kusolula ti basekretere ya mabundu na bo sambu na kufulusa formilere yina kele na Internet ya ta sadisa bo na kukota Nzo-Nkanda ya Bansamuni ya Kimfumu.