Lusungiminu ya Lufwa ya Yezu yo ta Salama Nki Ntangu mpi na Nki Kisika?

Na mpimpa ya nsuka na ntwala ya lufwa na yandi, Yezu pesaka balongoki na yandi ntuma ya kusungimina kimenga yina yandi pesaka na nima. Yandi songaka bo nde: “Beno landa na kusala yo sambu na kuyibuka mono.”​—Luka 22:19.

Na mvula yai, Lusungiminu ya lufwa ya Yezu ta salama na Kitanu, Aprili 3, na nima ya kudinda ya ntangu. Bambangi ya Yehowa ke binga nge ti dibuta na nge na kukwisa kuwidikila diskure mosi. Diskure yango ta tendula kikuma yina lufwa ya Yezu kele mfunu mingi mpi mutindu yo lenda natila nge mambote.