Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Apr. 1

“Sambu bantu kebebisa bima yina ke na ntoto, keti nge mekudiyulaka dezia kana ntoto tazinga? [Bika muntu yango kupesa mvutu.] Tala lusilu yai ya kepesa kikesa. [Tanga Nkunga 104:⁠5.] Disolo yai kemonisa mambu ya Biblia ketuba na yina metala ntoto na bilumbu kekwisa.” Tubila disolo yina keyantika na lutiti 10.

Réveillez-vous! Apr.

“Sambu mambu ya kusala kele mingi, bantu mingi kemonaka mpasi na kubaka ntangu sambu na kusambila Nzambi. Keti nge kemonaka nde yo kele mpasi? [Bika muntu yango kupesa mvutu. Na nima, tanga Efezo 5:​15-17.] Disolo yai kepesa ntendula ya mbote yina Biblia kepesa na yina metala ngolo mpi ntangu yina Nzambi kelombaka beto sambu na kusadila yandi.” Tubila disolo yina keyantika na lutiti 20.

Nzozulu ya Nkengi Yuni 1

“Bantu mingi ketubaka nde bo kekwikilaka kaka na mambu yina bo lenda mona. Keti nge kendima dibanza na bo? [Bika muntu yango kupesa mvutu. Na nima, tanga Roma 1:20.] Zulunalu yai ketubila bikalulu tatu ya Nzambi yina beto lenda mona pwelele na lugangu, mpi yo ketubila mutindu nzayilu ya bikalulu yai lenda vanda na bupusi na luzingu na beto.”

Réveillez-vous! Mayi

“Bantu mingi bubu yai kewaka boma sambu na bilumbu kekwisa. Keti nge keyindula nde mambu tatoma, to nde yo talanda kaka kukuma mbi? [Bika muntu yango kupesa mvutu. Na nima, tanga Kusonga 21:​3, 4.] Zulunalu yai ketendula sambu na nki beto lenda tula ntima nde kubika fyoti Nzambi tamanisa makambu ya nene yina bantu menungaka ve na kusungika.”