Inki Nge Lenda Tuba na Ntwala ya Kupesa Ba Periodike.

(Sadila periodike ya Kifalansa kana yo kele ve na Kikongo)

Nzozulu ya Nkengi Mayi 1

“Kumata ya bisumbula ya lugangu na bilumbu na beto kenataka bantu yankaka na kudiyula kana Nzambi kele na kupesa beto ndola. Nge keyindula inki? [Bika muntu yango kupesa mvutu. Na nima tanga 1 Yoane 4:⁠8.] Disolo yai ketendula sambu na nki Nzambi kele ve na kisina ya bampasi yina bisumbula ya lugangu kenataka.” Tubila disolo yina kele na lutiti 30.

Réveillez-vous! Mayi

Tanga Matayo 6:10. Na nima yula nde: “Keti nge mekudiyulaka dezia kana luzolo ya Nzambi sambu na ntoto kele inki? [Bika muntu yango kupesa mvutu.] Biblia ketuba nde Nzambi kuvandaka ti lukanu sambu na ntoto katuka na luyantiku, mpi lukanu yango mesobaka ve. Disolo yai ketendula yo.” Tubila disolo yina keyantika na lutiti 10.

Nzozulu ya Nkengi Yuni 1

“Mosi na kati ya masolo ya Biblia yina mezabanaka mingi kele disolo ya Noa ti ya Mvula ya Ngolo. Keti nge keyindula nde Mvula ya Ngolo kunokaka mpenza? [Bika muntu yango kupesa mvutu.] Dyambu ya kebenda dikebi kele nde, Yezu kutubilaka yo bonso dyambu mosi ya kyeleka. [Tanga Luka 17:​26, 27.] Zulunalu yai kepesa bikuma ya kukwikila disolo ya metala Mvula ya ngolo mpi ketendula malongi ya mfunu yina yo kelonga beto.”

Réveillez-vous! Yuni

“Kusansa mwana kele dyambu mosi ya mpasi, mingimingi ntangu yandi kekuma toko mpi kekutana ti bansoba mingi na luzingu na yandi. Na wapi nge keyindula nde bibuti lenda zwa bandongisila ya kutudila ntima? [Bika muntu yango kupesa mvutu. Na nima tanga Yezaya 48:​17, 18.] Zulunalu yai kepesa bangindu ya mpa yina lenda sadisa bibuti na kusala mambu ti mayele mpi kubakisa.”