Mukanda ya Betele

Bansamuni ya Kimfumu,

Beto kele na kyese ya mingi ya kupesa beno rapore ya kisalu ya bilanga ya Marsi 2008. Na Congo-Kinshasa, ntalu ya mpa ya kuluta mingi ya bansamuni kuvandaka 150309. Yai kele mbala ya ntete na insi yai na kumona nde bansamuni kuluta 150000 mepesa rapore ya kisalu ya bilanga na ngonda mosi. Beto zwaka mpi ntalu ya kuluta mingi na yina metala bangunga ya beto lutisaka na kisalu ya bilanga, ntalu ya balongoki ya Biblia mpi na bitini yankaka ya kisalu ya bilanga. Dyaka, beto vandaka na kyese ya kumona nde na Congo-Brazzaville bansamuni ya kikesa 5174 kulutisaka ntalu ya mpa ya kuluta mingi ya bangunga 122365. Beto kezola kusikisa beno sambu na kisalu na beno ya ngolo na kusamuna nsangu ya mbote.​—⁠1 Kor. 15:⁠58.

Kisalu ya kutunga na Betele na beto kekwenda mbote. Na Aprili 28, 2008, dibuta ya Betele vandaka na kyese ya kuyantika kusadila nzo ya madya ya mpa mpi kikuku ya mpa. Nzo ya madya ya mpa meluta yina ya ntete na nene mbala zole, mpi yo kele ti bisika ya kuvanda 600.

Na Mposo, Februari 23, 2008, bo kangulaka Nzo ya Balukutakanu ya Nene ya Limete, na Kinshasa. Bawi yonso kundimaka na kyese yonso na kusadila yo sambu na kukumisa Yehowa mpi na kupesa maboko sambu na kutanina yo. Na Yuli, bo manisaka Nzo yankaka ya Balukutakanu ya Nene na Kisangani mpi beto keyilama sambu na kumanisa yankaka ntama mingi ve na Lubumbashi mpi na Mbuji-Mayi. Dyaka, bo kangulaka Banzo ya Balukutakanu ya Nene ya Babwala na Beni na Februari 2008 mpi na Butembo na Aprili 2007. Beto kele na kyese mutindu bampangi kesadila banzo yina yonso sambu na kupesa Yehowa lukumu.

Bika beto landa na kuvanda ngolo na ntangu beto kekinga nde Yehowa kugulusa beto ntama ve.

Bampangi na beno,

Filiale ya Congo-Kinshasa