Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Okt. 1

“Bantu ya mayele kendimaka mfunu ya mukumba ya tata na luzingu ya dibuta. Nge keyindula nde inki kesalaka nde muntu kuvanda tata ya mbote? [Bika muntu yango kupesa mvutu.] Yezu kumonisaka mutindu mbandu ya Tata na yandi kusadisaka yandi. [Tanga Yoane 5:19.] Disolo yai ketubila mambu sambanu ya mfunu ya ketadila mukumba ya tata.” Tubila disolo yina keyantika na lutiti 18.

Réveillez-vous! Okt.

“Bantu ya mabundu mingi kevandaka ti bangindu ya kuswaswana na yina metala kimuntu ya kyeleka ya Nzambi. Kansi nki mutindu Mwana ya Nzambi kumonisaka yandi? Tala bangogo ya Yezu ya kele na Yoane 4:24. [Tanga.] Na balutiti zole mpamba, disolo yai kemonisa dibanza ya Biblia na ngyufula yai, “Inki kele kimuntu ya Nzambi?” Tubila disolo yina kele na lutiti 24 mpi 25.

Nzozulu ya Nkengi Nov. 1

“Bantu mingi kekukaka ve kuwakanisa lukwikilu na bo na Nzambi mosi ya zola ti dilongi ya kunyokwama mvula na mvula. Inki kele dibanza na nge? [Bika muntu yango kupesa mvutu.] Biblia kelongaka pwelele nde Nzambi kele ve muntu ya mbi to ya kemonisaka bantu mpasi. [Tanga Ezekiele 18:23.] Nge tasepela ti bangindu ya Masonuku yina kele na zulunalu yai.”

Réveillez-vous! Nov.

“Mbala mingi bantu kewakanisaka kununga ti lukumu, kimvwama, to kiyeka. Inki mutindu nge lenda tendula kununga? [Bika muntu yango kupesa mvutu.] Tala mambu yina Biblia ketuba nde yo kenataka na kununga. [Tanga Nkunga 1:​1-3.] Disolo yai ketubila mambu sambanu ya mfunu ya kesadisaka na kununga.” Tubila disolo yina keyantika na lutiti 6.