Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Augusti 1

“Nge keyindula nde bantu kele na mfunu ya inki sambu na kuvanda na kyese? [Bika muntu yango kupesa mvutu. Na nima tanga Matayo 5:3.] Yai kele dyambu mosi ya Yezu kutubaka na yina metala kyese. Disolo yai ketubila mambu yina beto kelonguka na Yezu na yina metala mutindu ya kuzwa kyese ya kyeleka.” Tubila disolo yina keyantika na lutiti 16.

Reveillez-vous! Augusti

“Bubu yai bafilme mingi kemonisaka bademo to bampeve ya mbi, bandoki mpi bantu yina kesadilaka mazi. Keti nge keyindula nde bampeve ya mbi kele ya kyeleka? [Bika muntu yango kupesa mvutu. Na nima tanga 1 Korinto 10:20.] Disolo yai kemonisa mambu yina Biblia ketubaka na yina metala bampeve ya mbi mpi mutindu beto lenda kuditanina na bupusi na bo.” Tubila disolo ya keyantika na lutiti 20.

Nzozulu ya Nkengi Septembri 1

Tubila nsangu mosi ya mpa ya keyangisa bantu ya teritware na beno. Na nima tuba nde: “Keti nge mekudiyulaka dezia sambu na nki bantu kesalaka mambu ya mbi ya mutindu yai? [Bika muntu yango kupesa mvutu.] Biblia kepesa beto kikuma ya kuvanda ti kivuvu. [Tanga 2 Piere 3:13.] Zulunalu yai kesonga mambu yina Biblia ketubaka na yina metala bisina ya mambi mpi mutindu ntama mingi ve Nzambi tamanisa mambi.”

Reveillez-vous! Septembri

“Keti nge keyindula nde batelefone ya maboko, bansangu ti masolo ya bantu ketaka na Internet, mpi mitindu yankaka ya kuvukana ti bantu bubu yai mefyotunaka kikalulu ya kudivandila to yo mekumisaka yo mingi? [Bika muntu yango kupesa mvutu.] Awa beto kele ti dibanza mosi yina kesadisa beto na kunwana ti kikalulu ya kudivandila. [Tanga Bisalu 20:35.] Zulunalu yai kepesa bandongisila ya kyeleka ya mekatuka na Biblia.”