Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Oktobri 1

“Bantu mingi kekudiyulaka kana Nzambi kekudiyangisaka na bampasi mpi na basusi yina beto kekutanaka ti yo. Inki nge keyindula? [Bika muntu yango kupesa mvutu. Na nima tanga Nkunga 34:19.] Disolo yina keyantika na lutiti 19 ketubila mutindu Nzambi kesadisaka beto na kununga mawi ya mbi mu mbandu kudimona kukonda mfunu, kuvanda ti mawa ya kuluta ndilu, mpi kudimona bonso nde beto menata makambu.”

Reveillez-vous! Oktobri

“Bantu yankaka ketadilaka Nzambi bonso ngolo mosi ya kukonda mawi. Bankaka ketadilaka yandi bonso muntu mosi ya kele ti mawi. Inki kele dibanza na nge? [Bika muntu yango kupesa mvutu.] Tala nsa yai ya kebenda dikebi. [Tanga 1 Piere 5:6, 7.] Disolo yina keyantika na lutiti 29 kepesa mvutu yina Biblia kepesa na ngyufula yai, Keti Nzambi kele mpenza muntu ya kyeleka?”

Nzozulu ya Nkengi Novembri 1

“Beto yonso kezolaka kusepela ti bima yina beto kele na yo. Keti nge keyindula nde beto kele na mfunu ya mbongo sambu na kusepela ti bima yina beto kele na yo? [Bika muntu yango kupesa mvutu.] Nsoniki mosi ya Biblia kulongukaka mutindu ya kusepela ti bima yina yandi vandaka ti yo ata yandi vandaka ti bima fyoti. [Tanga Filipi 4:11, 12.] Zulunalu yai ketubila binsweki tanu yina Biblia ketubila sambu na kusepela ti bima yina beto kele ti yo.”

Reveillez-vous! Novembri

“Bantu yankaka yina kendimaka ve nde Nzambi kele ketubilaka mambu ya mbi yina bantu kesalaka na zina ya Nzambi mpi keyindulaka nde nsi-ntoto zolaka kuvanda mbote kana mabundu kuvandaka ve. Inki nge keyindula? [Bika muntu yango kupesa mvutu.] Tala kikuma mosi yina lusambu ya luvunu kele na kisina ya bampasi. [Tanga 2 Timoteo 4:3, 4.] Zulunalu yai ketubila mwa bifu na mutindu ya kuyindula ya bantu yina kendimaka ve nde Nzambi kele.”