Tubila Disolo Mosi, Kansi Pesa Bazulunalu Yonso Zole

Bazulunalu na beto ke vandaka na masolo ya mutindu na mutindu ya ke bendaka dikebi. Na kisika ya kutubila masolo mingi na konso nzo, yo kele mbote na kutubila kaka disolo mosi. Kana beto ke tudila bantu dikebi mpi ke zaba mbote masolo yina kele na bazulunalu, beto lenda pona disolo mosi na Nzozulu ya Nkengi to na Réveillez-vous ! yina ta sepedisa muwi. Mu mbandu, kana beto me mona kima mosi ya bana ke sakanaka ti yo na nzo to na nganda, beto lenda tubila disolo mosi ya luzingu ya dibuta. Kana bakala muntu me yamba beto, beto lenda tubila diambu yina ke bendaka dikebi ya babakala, mu mbandu guvernema ya mbote. Konso ntangu, ata beto lenda tubila kaka disolo mosi, beto fwete pesa bawi bazulunalu yonso zole kana bo me monisa mpusa.