Mbandu ya Bangogo ya Kukotila na Masolo

Kuyantika Kulonguka ti Muntu na Sabala ya Ntete ya Ngonda ya Yuni

“Beto ke tala bantu mwa ntangu fioti sambu na kutadila ngiufula mosi ya ke benda dikebi.” [Songa yandi ngiufula ya ntete yina kele na lutiti ya nsuka ya Nzozulu ya Nkengi ya Yuni 1.] Inki kele dibanza na nge? Bika muntu yango kupesa mvutu. Beno tadila malongi yina kele na nsi ya ngiufula ya ntete mpi beno tanga ata verse mosi ya bo me vutukila ve bangogo na yo. Pesa muwi bazulunalu, mpi baka bangidika sambu na kuvutukila yandi mpi kutadila ngiufula ya ke landa.

Nzozulu ya Nkengi Yuni 1

“Konso mvula makaya ke fwaka bantu kiteso ya 6 000 000. Keti nge ke yindula nde bantu lenda sala kima mosi sambu na kufiotuna maladi yai? [Bika muntu yango kupesa mvutu.] Bantu mingi me yambulaka to me buyaka kibeni kunwa makaya sambu bo tadilaka dibanza ya Nzambi na diambu yai. Mu mbandu, verse yai me sadisaka bantu ya nkaka na kuyindula mutindu kunwa makaya ke vandaka ti bupusi na bantu ya nkaka. [Tanga 1 Bakorinto 10:24.] Zulunalu yai ke tendula mutindu kutadila dibanza ya Nzambi sambu na makaya lenda sadisa muntu na kuyambula kunwa yo.”

Réveillez-vous ! Yuni

“Bubu yai, basite ya Internet ke pesaka bantu nzila ya kusala bangwisana ti bantu yina bo ke binga nde banduku na bo kuluta na bilumbu ya me luta. Sambu na nge, nki kikalulu ya kuluta mfunu nduku ya kieleka fwete vanda ti yo? [Bika muntu yango kupesa mvutu.] Ndongisila mosi ya mbote yina Biblia ke pesa sambu na kinduku yo yai. [Tanga Yakobo 1:19.] Zulunalu yai ke tubila minsiku iya yina lenda sadisa muntu na kuvanda muntu yina bantu ya nkaka ta zola kusala kinduku ti yandi.”