Mbandu ya Bangogo ya Kukotila na Masolo

Kuyantika Kulonguka ti Muntu na Sabala ya Ntete ya Ngonda ya Novembri

“Tala ngiufula yai ya ke benda dikebi. [Tanga ngiufula ya ntete na lutiti ya nsuka ya Nzozulu ya Nkengi ya Novembri 1.] Nge ke yindula nki? [Tanga baparagrafe zole yina kele na nsi ya ngiufula yango mpi beno tanga ata verse mosi ya bo me vutukila ve bangogo na yo.] Keti mono lenda vutukila nge sambu beto tadila kikuma yina Yezu futumunaka bantu mpi sambu na nki lufutumuku yango ke mfunu sambu na beto?”

Nzozulu ya Nkengi Novembri 1

“Keti nge me kudiyulaka dezia kikuma yina mambu mingi ya mbi ke salama na nsi-ntoto? [Bika muntu yango kupesa mvutu.] Biblia ke tendula kikuma yango na Kusonga 12:9. [Tanga.] Kansi, verse 12 ke pesa beto kivuvu. [Tanga Kusonga 12:12.] Ntama mingi ve bupusi ya mbi ya Satana ta vanda diaka ve. Disolo yai ya kele ti ntu-diambu ‘Keti Beto Fwete Wa Satana Boma?’ ke tubila mutindu beto lenda kuditanina na bupusi na yandi ntangu yai mpi mambu yina ta bwila yandi na bilumbu yina ke kwisa. Kopi na nge yo yai.”

Réveillez-vous ! Novembri

“Konso muntu ke zolaka kuvanda na kiese, kansi bubu yai bantu mingi kele ve na kiese. Nge ke yindula nde nki lenda natila muntu kiese ya kieleka? [Bika muntu yango kupesa mvutu.] Biblia me sadisaka mono na kuvanda ti luzingu ya kiese. Mu mbandu, simba munsiku yai ya Biblia. [Tanga Baebreo 13:5.] Zulunalu yai ke monisa mambu iya ya me katuka na Biblia sambu na kuvanda na kiese ya kieleka.”