Beto Sadila Mbote Mikanda Yina Ke Sadisaka Beto na Kulonga Bantu

Kukumisa muntu longoki kele bonso kutunga nzo. Sambu na kusala yo mbote, beto fwete longuka kusadila bisadilu na beto mbote. Beto fwete yedisa mayele ya kusadila Ndinga ya Nzambi sambu yo kele kisadilu na beto ya ntete. (2Tm 2:15) Beto fwete sadila mpi mbote mikanda ya nkaka mpi bavideo sambu yo kele na kati ya bisadilu ya ke sadisaka beto na kulonga bantu—beto ke sadilaka yo sambu na kukumisa bantu balongoki.a

Inki mutindu nge lenda tomisa mutindu ya kusadila Mikanda Yina Ke Sadisaka Beto na Kulonga Bantu? (1) Lomba lusadisu na nkengi ya kimvuka na beno ya kisalu ya kusamuna, (2) samuna ti nsamuni ya kuyela na kimpeve to mupasudi-nzila, mpi (3) landa kusadila mambu ya nge me longuka. Kana nge me zaba mutindu ya kusadila mikanda yai mpi bavideo, nge ta wa kiese ya kusala kisalu ya kutunga na kimpeve yina ke salama bubu yai.

BAZULUNALU

TUMIKANDA

MIKANDA

BATRAKITI

BAVIDEO

BAEMVITASIO

BAKARTI YA VIZITI