Mutindu Kisalu na Beto ya Kusadisa Bantu Sadisaka Bampangi ya Caraïbes

Bonso na mvu-nkama ya ntete, bubu yai mpi beto kele ti dibaku ya kumonisila bampangi na beto yina ke bwila bisumbula zola. (Yoa 13:34, 35) Songa video Zola Yina Ke Monana na Bisalu—Kisalu Sambu na Kusadisa Bampangi na Bisanga, sambu na kumona mutindu bampangi Bakristu sadisaka bampangi ya Caraïbes, na nima beno pesa mvutu na bangiufula yai:

• Inki bampasi bampangi ya Caraïbes kutanaka ti yo ntangu Mipepe ya Ngolo ya Irma mpi ya Maria bulaka?

• Inki mutindu Yehowa sadilaka bampangi Bakristu sambu na kusadisa bampangi ya Caraïbes?

• Inki mutindu bampangi yina kutanaka ti bampasi kudiwaka sambu na zola mpi kikalulu ya kukaba yina bampangi Bakristu monisilaka bo?

• Inki mutindu bampangi mingi pesaka maboko sambu na kusadisa bampangi ya Caraïbes yina kutanaka ti bampasi?

• Inki mutindu beto yonso lenda sadisa bampangi yina ke kutana ti bampasi?

• Ntangu nge me tala video yai, nge me kudiwa nki mutindu na yina me tala kuvanda na organizasio yai ya zola?