“Beno Landa Kuyindula Mambu Yai”

Inki mambu? Bafilipi 4:8 ke tuba nde beto fwete tadila mambu yina kele ya kieleka, ya bo lenda zitisa, ya lunungu, ya bunkete, ya ke pusaka na kuzola, ya lukumu, ya mbote mpi yina me fwana na kubaka lukumu. Yo ke tendula ve nde Mukristu fwete yindulaka ntangu yonso mambu ya Biblia. Kansi, mambu yina beto ke yindula fwete sepedisa Yehowa. Beto fwete yindula ve mambu yina ta kanga beto nzila ya kuvanda ya kwikama na Yehowa.—Nk 19:14.

Yo lenda vanda mpasi na kubuya bangindu ya mbi. Beto fwete nwanisa bampusa na beto ya mbi mpi bupusi ya mbi ya Satana, “nzambi ya ngidika yai ya bima.” (2 Bak 4:4) Sambu mambu mingi ya bo ke songaka mpi ke tubilaka na televizio, na radio, na internet mpi na mikanda, Satana muntu ke vandaka ti bupusi ya ngolo na zulu na yo. Beto fwete pona na dikebi yonso mambu yina beto ke yindula sambu yo ke vandaka ti bupusi ya ngolo na luzingu na beto.—Yak 1:14, 15.

SONGA VIDEO BUYA MAMBU YINA KE LEMBISAKA KWIKAMA—BANSAKA YA MBI YA KULUTISILA NTANGU, MPI NA NIMA BENO PESA BAMVUTU NA BANGIUFULA YAI:

• 

  Inki mambu mpangi-bakala yai vandaka kutala na telefone na yandi mpi nki bupusi yo vandaka ti yo na luzingu na yandi?

• 

  Inki mutindu Bagalatia 6:7, 8 mpi Nkunga 119:37 sadisaka yandi?