“Beno Katula Banzambi ya Banzenza na Kati na Beno”

Yakobi zabaka nde Yehowa ke lombaka nde bantu kukangama kaka na yandi ata Yehowa vandaka me pesa ntete ve nsiku ya me tala lusambu ya biteki. (Kub 20:3-5) Na nima, ntangu Yehowa songaka Yakobi na kuvutuka na Betele, Yakobi songaka bantu yonso na kukatula biteki na kati na bo. Diaka, Yakobi songaka bo na kukatula biteki, yika mpi bima ya makutu yina bo vandaka kulwata sambu na kutanina bo na mambu ya mbi. (Kuy 35:1-4) Ntembe kele ve nde Yehowa sepelaka na mambu yina Yakobi salaka.

Bubu yai, nki mutindu beto lenda kangama kaka na Yehowa? Beto fwete buya konso kima yina ke wakana ti lusambu ya biteki to bampeve ya mbi. Yo ke tadila mpi kukatula konso kima yina ke wakana ti bisalu ya bampeve ya mbi mpi kutadila mbote-mbote bansaka na beto. Kudiyula nde: ‘Keti mono ke sepelaka ti mikanda to bafilme yina ke songaka bifwanisu ya bamvumbi, bazombi to mambu yina ke wakana ti kindoki? Keti bansaka na mono ke monisaka nde kusala mazi, kindoki, to kuloka muntu kele ve mbi?’ Beto fwete menga konso kima yina Yehowa ke mengaka.—Nk 97:10.

SONGA VIDEO “BENO VANDA BAMBENI YA DIABULU,” MPI NA NIMA BENO PESA BAMVUTU NA BANGIUFULA YAI:

• 

  Inki diambu Palesa yina vandaka longoki ya Biblia kutanaka na yo?

• 

  Sambu na nki yo kele mfunu na kusosa lusadisu ya bankuluntu na mambu ya me tala bisalu ya bampeve ya mbi?

• 

  Inki mambu beto fwete buya kana beto ke zola nde Yehowa kutanina beto?

• Inki lukanu ya mfunu Palesa bakaka?

• Inki mutindu nge lenda buya bupusi ya bademo na kisika yina nge ke zingaka?