Yehowa Ke Taninaka Bansadi na Yandi

Paki ya ntete vandaka diambu mosi ya mfunu. Kaka na mpimpa yina ntangu Farao zabaka nde mwana na yandi ya ntete fwaka, yandi songaka Moize nde: “Beno telama, beno basika na kati ya bantu na mono, beno ti bantu ya nkaka ya Izraele. Beno kwenda mpi beno sadila Yehowa, kaka mutindu beno tubaka.” (Kub 12:31) Yehowa monisaka nde yandi ke taninaka bansadi na yandi.

Bubu yai beto kele ti mambu yina ke ndimisa beto kibeni nde Yehowa ke landa kutwadisa bansadi na yandi mpi kutanina bo. Beto lenda mona yo na musée ya kele ti ntu-diambu: “Bantu Yina Ke Nataka Zina ya Yehowa.” Musée yango kele na babiro ya ke twadisaka kisalu na ntoto ya mvimba.”

SONGA VIDEO VIZITE YA MUSÉE YA WARWICK: “BANTU YINA KE NATAKA ZINA YA YEHOWA,” MPI NA NIMA BENO PESA BAMVUTU NA BANGIUFULA YAI:

• 

  Inki kisadilu ya mpa Balongoki ya Biblia yantikaka kusadila na 1914 sambu na kukumisa lukwikilu na bo ngolo na Biblia mpi nki mutindu yo sadisaka bo?

• 

  Inki bampasi basikaka na 1916 mpi na 1918 mpi nki ke monisa nde Yehowa vandaka kutwadisa organizasio na yandi?

• 

  Inki mutindu bansadi ya Yehowa bikalaka ya kwikama ata ntangu bantu ya nkaka teleminaka bo?

• 

  Inki vandaka mutindu ya mpa ya kubakisa mambu yina bansadi ya Yehowa zwaka na 1935 mpi nki mutindu yo sadisaka bo?

• Ntangu nge me tala na video Vizite Ya Musée Ya Warwick: “Bantu Yina Ke Nataka Zina Ya Yehowa,” nki mambu nge me mona yina me ndimisa nge nde Yehowa ke twadisa bansadi na yandi mpi ke tanina bo?