Longa Bantu nde Nsi-Ntoto ya Mbote Me Kuma Pene-Pene

Na ngonda ya Novembri, beto ta sala kibeni kikesa sambu na kulonga nsangu ya mbote yina ke tuba nde nsi-ntoto ya mbote me kuma pene-pene. (Nk 37:10, 11; Kus 21:3-5) Yidika manaka na nge sambu nge kudipesa mingi na kampanie yai. Kana nge sinie formilere sambu na kuvanda mupasudi-nzila nsadisi na ngonda yango, nge lenda pona na kupesa bangunga 30 to 50 ya bo ke lombaka bapasudi-nzila nsadisi.

Kudibongisa sambu na kutanga ti bantu mingi verse mosi ya ke tubila nsi-ntoto ya mpa. Ntangu nge ke pona verse ya Biblia, sosa kuzaba kima yina ta benda dikebi ya bantu na teritware na beno. Kana muntu me monisa mpusa na mbala ya ntete ya nge me kutana ti yandi, pesa yandi Nzozulu ya Nkengi No. 2 2021. Na nima, vutukila yandi kukonda kuvingila mpi yantika kulonguka Biblia ti yandi na nzila ya kamukanda Zinga Mvula na Mvula! Kudipesa mingi na kisalu ya kusonga bantu ya nkaka “nsangu ya mbote ya kima mosi ya kuluta mbote” kele kibeni diambu ya kiese.—Yez 52:7.

TALA VIDEO YA NKUNGA YA NKAKA NSI-NTOTO YA MPA, MPI NA NIMA BENO PESA BAMVUTU NA BANGIUFULA YAI:

• Inki mambu ya mbote ya ta salama na bilumbu ya ke kwisa yina mwana yina ya nkento ke mona na mabanza?

• Inki kibeni nge ke vingila kumona na nsi-ntoto ya mpa?

• Inki mutindu kuyindula kivuvu yina nge kele ti yo lenda sadisa nge na kudibongisa sambu na kudipesa ya mvimba na kampanie ya Novembri?—Luk 6:45