Inki Kele Balukanu na Nge Sambu na Mvula ya Mpa ya Kisalu?

Balukanu ya kimpeve kele konso kima yina beto ke zola kusala sambu na kusadila Yehowa mingi mpi kusepedisa yandi. Yo ke sadisaka beto na kuyela na kimpeve mpi yo ke lombaka ntangu mpi bikesa sambu na kulungisa yo. (1Tm 4:15) Sambu na nki beto fwete tadilaka balukanu na beto mbala na mbala? Sambu mambu ya luzingu ke sobaka. Mbala ya nkaka beto lenda kuka ve kulungisa lukanu yina beto kuditudilaka to yo lenda vanda nde beto lungisaka yo dezia mpi beto lenda kuditudila ya nkaka.

Ntangu ya mbote ya kutadila balukanu kele na ntwala nde mvula ya mpa ya kisalu kuyantika. Beno lenda tubila yo na lusambu ya dibuta. Konso muntu na dibuta lenda kuditudila lukanu mpi beno lenda kuditudila balukanu yina beno ta lungisa na kimvuka na dibuta.

Inki balukanu nge me kuditudila sambu na mambu yai ya ke landa mpi nki mambu nge ke zola kusala sambu na kulungisa yo?