ZINGA MUTINDU BAKRISTU FWETE ZINGA
Tudila Yehowa Ntima Ntangu Muntu Ke Sosila Nge
Kana muntu ke sosila beto, yo lenda sala beto mpasi mpi beto lenda kudiyangisa na mabanza. Nkutu, kana beto ke wa boma ntangu bantu ke telemina lusambu na beto, yo lenda bebisa kimpeve na beto. Inki lenda sadisa beto kana muntu ke sosila beto?
Bansadi ya Yehowa mingi me kangaka ntima ntangu bo vandaka kusosila bo, sambu bo tudilaka Yehowa ntima. (Nk 18:17) Mu mbandu, Estere tubaka mambu yina Amani muntu ya mbi yidikaka. (Est 7:1-6) Na ntwala ya kusala yo, yandi tudilaka Yehowa ntima mpi yandi buyaka madia. (Est 4:14-16) Yehowa sadisaka yandi mpi yandi taninaka yandi ti bantu na yandi.
Baleke, kana muntu mosi ke sosila beno, beno lomba Yehowa lusadisu mpi beno songa yo mbuta mosi, mu mbandu bibuti na beno. Beno ndima nde Yehowa ta sadisa beno mutindu yandi sadisaka Estere. Inki diaka beno lenda sala kana muntu ke sosila beno?
TALA VIDEO: NTANGU MU VANDAKA LEKE—INKI MU TA SALA KANA BO KE SOSILA MU? MPI NA NIMA BENO PESA BAMVUTU NA BANGIUFULA YAI:
Inki dilongi baleke lenda baka na mbandu ya mpangi Charlie mpi Ferin?
Inki dilongi bibuti lenda baka na mambu yina mpangi Charlie mpi Ferin ke tuba na yina me tala kusadisa bana ntangu bo ke sosila bo?