Bansadi ya Kwikama ya Yehowa Ke Lungisaka Balusilu na Bo

Tanga Bazuzi 11:30-40 sambu na kubaka malongi na disolo ya Yefte ti mwana na yandi ya nkento na yina me tala kulungisa balusilu.

Longuka mingi mambu ya kele na ntwala mpi na nima ya baverse yina. Inki mutindu bantu ya Izraele ya kwikama vandaka kutadila balusilu yina bo vandaka kusala na Yehowa? (Kut. 30:2) Inki mutindu Yefte ti mwana na yandi ya nkento monisaka lukwikilu na Yehowa?​—Baz. 11:9-11, 19-24, 36.

Sala bansosa na mudindu. Yo ke monana nde nki mambu Yefte vandaka kuyindula ntangu yandi salaka lusilu na yandi? (w16.04 5-6 § 12) Inki mambu ya mpasi yo lombaka nde Yefte ti mwana na yandi ya nkento kundima kusala sambu na kulungisa lusilu yina? (w16.04 6-7 § 14-16) Balusilu ya nki mutindu Bakristu lenda sala bubu yai?​—w17.04 5-8 § 10-19.

Baka malongi. Kudiyula nde:

• ‘Inki lenda sadisa mono na kulanda kulungisa lusilu ya kudipesa na Yehowa yina mono salaka?’ (w20.03 13 § 20)

• ‘Inki mambu ya mpasi yo lenda lomba nde mono ndima kusala sambu na kusadila Yehowa mingi?’

• ‘Inki lenda sadisa mono na kulanda kulungisa lusilu na mono ya kulanda kukangama na nkwelani na mono?’ (Mat. 19:5, 6; Baef. 5:28-33)