Baka Malongi Mingi na Bifwanisu

Mikanda na beto ke vandaka ti bifwanisu mingi yina ke longaka beto malongi ya mfunu. Inki nge lenda sala sambu bifwanisu yango kunatila nge mambote mingi?

• Tala ntete bifwanisu yango na ntwala ya kutanga disolo. Bifwanisu yango lenda pusa nge na kusosa kuzaba mambu mingi na disolo yango mpi kupesa nge mpusa ya kutanga yo. Yo kele kaka mutindu beto ke waka nzala ya ngolo ya kudia madia mosi ya kitoko na nima ya kumona yo. Yo yina kudiyula nde: ‘Mono ke mona nki na bifwanisu yai?’​—Amo. 7:7, 8.

• Ntangu nge ke tanga disolo yango, yindula sambu na nki bo ponaka bifwanisu yina. Tanga bangogo na lweka ya bifwanisu mpi bantendula ya bifwanisu yango kana yo kele. Tadila mutindu bifwanisu yango ke wakana ti disolo yina beno ke longuka mpi mutindu nge lenda sadila mambu yina yo ke longa nge.

• Na nima ya kutanga disolo, sadila bifwanisu sambu na kutadila diaka bangindu ya mfunu ya disolo yango. Meka kumona na mabanza bifwanisu yango mpi malongi yina konso kifwanisu ke longa.

• Nge lenda tala diaka bifwanisu ya kele na zulunalu yai mpi kutala kana nge lenda yibuka mambu yina yo ke longa.