Kimfumu ya Nzambi Ta Sala Nki Sambu na Bitumba?

Na nsi-ntoto ya mvimba, bitumba ke landa kubebisa bima mpi kunatila bantu bampasi. Tala mambu barapore yai ke tuba:

• Nzo-Nkanda mosi (Institut de recherche sur la paix d’Oslo) tubaka na Kitatu 7 juin 2023 nde: “Na mvula ya me luta, bantu mingi fwaka sambu na bitumba, sirtu na Éthiopie mpi na Ukraine kuluta bamvula yonso ya nkaka banda na 1994.”

• Kimvuka mosi (The Armed Conflict Location & Event Data Project [ACLED]) tubaka na Kitatu 8 février 2023 nde: “Bitumba ya Ukraine vandaka kaka bitumba mosi mpamba na kati ya babitumba yina kumaka ngolo na 2022. Na nsi-ntoto ya mvimba, mubulu sambu na mambu ya politiki tombukaka na 27% na mvula ya me luta, mpi kiteso ya 1, 7 miliare ya bantu niokwamaka sambu na yo.”

Biblia ke pesa beto kivuvu. Yo ke tuba nde “Nzambi ya zulu ta tula kimfumu mosi yina ta fwa ve ata fioti.” (Daniele 2:44) Na Kimfumu ya Nzambi, to luyalu ya Nzambi, Nzambi ta “sukisa bitumba na ntoto ya mvimba.”—Nkunga 46:9.