Sambu na Nki Bo Ke Bingaka Beno Bambangi ya Yehowa?

Mutindu Biblia ke monisa yo, Yehowa kele zina ya Nzambi. (Kubasika 6:3; Nkunga 83:18) Mbangi kele muntu yina ke tubilaka bangindu to balukwikilu yina yandi ke ndimaka.

Yo yina, zina na beto ya Bambangi ya Yehowa ke tendula kimvuka ya Bakristu yina ke longaka kieleka ya me tala Yehowa, Ngangi ya bima yonso. (Kusonga 4:11) Mutindu na beto ya kuzinga ke taka kimbangi na bantu ya nkaka mpi beto ke taka kimbangi ntangu beto ke zabisaka bo mambu yina beto me longukaka na Biblia.​—Yezaya 43:10-12; 1 Piere 2:12.