Noti na Nsi ya Lutiti

c Bantu ya nkaka ya ke longukaka Biblia ke tubaka nde babakala yai salaka lusilu ya Kinazire. (Kut. 6:1-21) Ya kieleka, Nsiku ya Moize, yina vandaka kulomba bantu na kusala lusilu yai manaka dezia ngala na ntangu yina. Kansi mbala ya nkaka Polo monaka ve mbi nde babakala yina kulungisa lusilu yina bo salaka na Yehowa. Yo yina, yo vandaka ve mbi na kufidisa babakala yango mpi kufuta mbongo sambu na bo. Beto me zaba mpenza ve lusilu yina bo salaka kansi beto me zaba nde mbala mingi Banazire vandaka kufwa mbisi sambu na kudikumisa bunkete na masumu na bo. Yo yina beto ke ndima nde Polo lendaka ve kubasisa mbongo sambu na kusumba mbisi ya kutambika mpi kuyindula nde yo ta kumisa bantu yai bunkete na masumu na bo. Banda ntangu Yezu pesaka kimenga ya nitu na yandi ya kukuka, bimenga ya bambisi lendaka diaka ve kukumisa bantu bunkete na masumu na bo. Beto me zaba mpenza ve mambu yina Polo salaka kansi beto ke ndima nde yandi lendaka ve kusala konso kima yina lendaka kuyangisa kansansa na yandi.