Noti na Nsi ya Lutiti

b Tertulusi pesaka Feliksi mersi sambu na “ngemba mingi” yina Feliksi nataka na dikanda ya Izraele. Kansi kieleka kele nde, ntangu Feliksi vandaka guvernere na Yudea, ngemba vandaka ve mingi kuluta na ntangu ya baguvernere yonso ya nkaka. Ntangu mosi kaka yina ngemba vandaka fioti kibeni kele ntangu Bayuda na Yudea kolamaka ngolo na bantu ya Roma. Tertulusi tubaka mpi luvunu ntangu yandi tubaka nde Bayuda ke monisaka “ntonda mingi kibeni” sambu na bansoba yina Feliksi salaka sambu na bo. Na kutuba ya masonga, Bayuda mingi vandaka kumenga Feliksi sambu yandi kumisaka bo bansukami ya ngolo mpi sambu na nku yonso yandi vandaka kukanga bo nzila ya kukolama.​—Bis. 24:2, 3.