Noti na Nsi ya Lutiti

c Evanzile ya Luka ke tubila ve bampukumuna yina na ndonga, kansi disolo ya Matayo ke tubila yo na ndonga yina yo salamaka. Tadila bikuma yai tatu. (1) Matayo ke yantika mpukumuna ya zole ti bangogo “na nima,” sambu na kumonisa nde yo vandaka mpukumuna ya zole. (2) Yo ke monana nde yo me fwana nde bampukumuna zole ya kubumbana yina ke yantika ti kimvuka ya bangogo, “Kana nge kele mwana ya Nzambi,” kukwisa na ntwala ya mpukumuna ya pwelele ya kufwa nsiku ya ntete. (Kub. 20:2, 3) (3) Yo ke monana nde Yezu tubaka bangogo “Katuka awa, Satana!” na nima ya mpukumuna ya tatu mpi ya nsuka.—Mat. 4:5, 10, 11.