Noti na Nsi ya Lutiti

a Mbala ya nkaka nge me waka dezia nsadi mosi ya Yehowa yina ke sadilaka yandi banda bamvula mingi ke tuba nde: ‘Mono yindulaka ve ata fioti nde nsi-ntoto yai ya mbi ta wumela mutindu yai.’ Beto yonso ke zolaka nde Yehowa kufwa nsi-ntoto yai ya mbi, mingi-mingi na bantangu yai ya mpasi. Kansi beto fwete vanda ntima-nda. Na disolo yai, beto ta tadila minsiku ya Biblia yina ta sadisa beto na kuvanda ti kikalulu ya kuvingila. Beto ta mona mpi nki ntangu beto fwete vingila ti ntima-nda yonso nde Yehowa kusala mambu. Na nima, beto ta tadila mambote yina bantu yina ke vingilaka ta baka.