Ezekiele
28 Ndinga ya Yehowa kwisilaka mono diaka nde: 2 “Mwana ya muntu, songa ntwadisi ya Tire nde, ‘Yehowa Mfumu ya Kuluta Nene me tuba nde:
“Sambu ntima na nge me kuma lulendo,+ nge ke landa kutuba nde, ‘Mono kele nzambi.
Mono me vanda na kiti ya kimfumu ya nzambi na kati-kati ya nzadi- mungwa.’+
Kansi nge kele kaka muntu, nge kele nzambi ve,
Ata nge ke yindula na ntima na nge nde nge kele nzambi.
3 Tala! Nge kele mayele kuluta Daniele.+
Bo me bumbilaka nge ve ata kinsweki mosi.
4 Nge me kudikumisa mvwama sambu na mayele na nge mpi sambu na luswasukusu na nge,
Mpi nge ke landa kubumba wolo ti arza na bisika na nge ya kubumba bimvwama.+
5 Mumbongo ya nge ke salaka na mayele yonso natilaka nge kimvwama mingi,+
Mpi ntima na nge kumaka lulendo mingi sambu na kimvwama na nge.”’
6 “‘Yo yina Yehowa Mfumu ya Kuluta Nene me tuba nde:
“Sambu nge ke yindula na ntima na nge nde nge kele nzambi,
7 Mono ke nata banzenza sambu bo kwisa kunwanisa nge, makanda ya kuluta nku,+
Ebuna bo ta basisa bambele na bo ya bitumba sambu na kubebisa kitoko ya mayele na nge
Mpi bo ta bebisa lukumu na nge ya nene.+
9 Keti nge ta landa kutuba na muntu yina ke fwa nge nde, ‘Mono kele nzambi’?
Nge ta vanda kaka muntu, kansi nzambi ve, na maboko ya bantu yina ke bebisa nge.”’
10 ‘Nge ta fwa lufwa ya bantu ya kukonda kuyotisa na maboko ya bambeni,
Sambu mono mosi muntu me tuba,’ Yehowa Mfumu ya Kuluta Nene muntu me tuba.”
11 Ndinga ya Yehowa kwisilaka mono diaka nde: 12 “Mwana ya muntu, yimba nkunga ya mawa* sambu na ntotila ya Tire mpi songa yandi nde, ‘Yehowa Mfumu ya Kuluta Nene me tuba nde:
“Nge vandaka ya kukuka* kibeni,
Nge vandaka ya kufuluka ti mayele+ mpi kitoko na nge vandaka ya kukuka.+
13 Nge vandaka na Edeni, kilanga ya Nzambi.
Matadi yonso ya ntalu kumisaka nge kitoko
—Rubi, topaze, ti yaspe;
Krisolite, oniksi, ti yade; safire, tirkwazi,+ ti emerode;
Bo tulaka yo mpi kangisaka yo na bima yina bo salaka na wolo.
Bo yidikaka yo kilumbu yina bo gangaka nge.
14 Mono tulaka nge na kuvanda sherube yina ke taninaka ya bo me tulaka mafuta.
Nge vandaka na ngumba ya santu ya Nzambi,+ mpi nge vandaka kutambula na kati ya matadi yina vandaka kupela tiya.
15 Katuka kilumbu yina bo gangaka nge, nge vandaka ya kukonda kifu na banzila na nge
Tii ntangu bo monaka mambu ya kukonda lunungu na kati na nge.+
16 Sambu na mumbongo na nge ya mingi,+
Nge kumaka ya kufuluka ti nku, mpi nge yantikaka kusala masumu.+
Yo yina mono ta kula nge na ngumba ya Nzambi bonso muntu ya bo me vweza mpi mono ta fwa nge+
Ntama ti matadi ya tiya, O sherube ya ke fikaka.
17 Ntima na nge kumaka lulendo sambu na kitoko na nge.+
Nge bebisaka mayele na nge sambu na lukumu na nge ya nene.+
Mono ta losa nge na ntoto.+
Mono ta tula nge na ntwala ya bantotila sambu bo tala nge.
18 Sambu na kifu na nge ya nene mpi mumbongo na nge ya kukonda masonga, nge me bebisa bisika na nge ya santu.
Mono ta sala nde tiya kubasika na kati-kati na nge, mpi yo ta yoka nge.+
Mono ta kumisa nge putulu ya tiya na ntoto na ntwala ya bantu yonso yina ke tala nge.
19 Bantu yonso yina zabaka nge na kati ya bantu, ta tala nge ti kuyituka.+
Nsuka na nge ta kwisa na kintulumukina mpi yo ta vanda mbi kibeni,
Ebuna nge ta zingaka diaka ve kimakulu.”’”+
20 Ndinga ya Yehowa kwisilaka mono diaka nde: 21 “Mwana ya muntu, balula luse na nge na ndambu ya Sidoni,+ mpi bikula mambu ya mbi sambu na yandi. 22 Nge fwete tuba nde, ‘Yehowa Mfumu ya Kuluta Nene me tuba nde:
“Mono ke nwanisa nge, O Si- doni, mpi mono ta baka nkembo na kati na nge;
Ebuna bantu ta zaba nde mono kele Yehowa ntangu mono ta pesa yandi ndola mpi ntangu bo ta santisa mono na nzila na yandi.
23 Mono ta tinda kipupa na kati na yandi mpi menga ta tiamuka na babala-bala na yandi.
Bantu yina bo ta fwa ta bwa na kati-kati na yandi ntangu mbele ya bitumba ta katuka na bandambu yonso sambu na kunwanisa yandi;
Ebuna bo ta zaba nde mono kele Yehowa.+
24 “‘“Nzo ya Izraele ta vanda diaka ve ya kuziunga na banti ya bansende ya ke lwadisaka mpi bansende ya ke salaka mpasi,+ bayina ke sekaka bo; ebuna bantu ta zaba nde mono kele Yehowa Mfumu ya Kuluta Nene.”’
25 “‘Yehowa Mfumu ya Kuluta Nene me tuba nde: “Ntangu mono ta katula nzo ya Izraele na kati ya bantu bisika bo panzanaka mpi ta vukisa bo diaka,+ bo ta santisa mono na kati na bo na meso ya makanda.+ Ebuna bo ta zinga na insi na bo+ yina mono pesaka na nsadi na mono Yakobi.+ 26 Bo ta zinga na kati na yo na lutaninu,+ bo ta tunga banzo mpi ta kuna bilanga ya vinu,+ ebuna bo ta zinga na lutaninu ntangu mono ta pesa ndola na bantu yonso yina kele na nziunga na bo, bayina ke sekaka bo;+ ebuna bo ta zaba nde mono kele Yehowa Nzambi na bo.”’”