• Luzingu Yantikaka Nki Mutindu?
    Zinga Mvula na Mvula!—Kulonguka ya Biblia Yina Ta Natila Nge Mambote

    • 5. Disolo ya Biblia ya ke tubaka nde Nzambi muntu salaka bima yonso kele ya kieleka

      Na Kuyantika kapu 1, Biblia ke tubila kisika ntoto mpi bima ya ke zingaka na zulu na yo katukaka. Keti disolo yai kele ya kieleka to ya luvunu? Beno tala VIDEO mpi na nima beno pesa mvutu na bangiufula ya ke landa.

      VIDEO: Keti Nzambi Gangaka Zulu ti Ntoto?​—Kitini na Yo (3:51)

      Bifwanisu: Mambu ya kele na video ‘Keti Nzambi Gangaka Zulu ti Ntoto?—Kitini na Yo.’ 1. Bilumbu sambanu yina Nzambi salaka bima, mutindu muntu zolaka kumona yo kana yandi vandaka na ntoto. 2. Ntoto na nima ya bilumbu sambanu yina Nzambi salaka bima, yo me kuma ti ntangu, ntoto ya kuyuma, masa, matiti, bandeke, bambisi ya ke zingaka na ntoto mpi bantu.

      • Keti Biblia ke tubaka nde Nzambi salaka ntoto mpi bima ya ke zingaka na zulu na yo na bilumbu sambanu ya bangunga 24?

      • Nge ke yindula nde disolo ya Biblia ya ke tubaka nde Nzambi muntu salaka bima yonso kele ya kieleka mpi yina beto fwete ndima? Kana mpidina to ve, sambu na nki?

      Beno tanga Kuyantika 1:1 mpi na nima, beno pesa mvutu na ngiufula yai:

      • Bantu ya siansi ke tubaka nde zulu ti ntoto kele ti luyantiku. Inki mutindu mambu yai ya bo ke tubaka ke wakana ti mambu ya nge me katuka kutanga na Biblia?

      Bantu ya nkaka ke kudiyulaka kana Nzambi salaka kima mosi ya fioti mpi na nima yo mosi kumaka bambisi mpi bantu. Beno tanga Kuyantika 1:21, 25, 27 mpi na nima, beno pesa mvutu na bangiufula yai:

      • Keti Biblia ke tubaka nde Nzambi salaka kima mosi ya fioti mpi na nima yandi bikaka nde yo kuma bambisi mpi bantu? To keti yandi salaka bima ya ke zingaka ya “mitindu” yonso?b