Watchtower MIKANDA YA KE NA INTERNET

Beto Tadila Bantu Yankaka Mutindu Yehowa Ketadilaka bo

Nzozulu ya Nkengi—2003 | avril 1
- Beto Tadila Bantu Yankaka Mutindu Yehowa Ketadilaka bo
  
  ‘Nzambi ketalaka ve mutindu muntu ketalaka.’—1 SAMUELE 16:7.
  
  1, 2. Inki mutindu mpila Yehowa vandaka kutadila Eliabi meswaswana ti mpila Samuele vandaka kutadila yandi, mpi nki dilongi dyambu yai kelonga beto?
  
  NA MVU-NKAMA ya 11 ya N.T.B., Yehowa kutindaka profete Samuele na kwenda kusala kisalu mosi na kinsweki. Yandi songaka profete na kukwenda na nzo ya muntu mosi yina bo vandaka kubinga nde Yese mpi kupakula mwana mosi na kati ya bana ya Yese mafuta sambu yandi takuma ntotila ya Izraele na bilumbu kekwisa. Ntangu Samuele kumonaka Eliabi, mwana ya ntete ya Yese, yandi tulaka kibeni ntima nde yandi memona muntu yina ya Nzambi kuponaka. Kansi Yehowa kutubilaka yandi nde: “Kutala ve nda yina ti mutindu yandi kele; mono me sola yandi ve, sambu mono ke talaka ve yina ke monika na meso. Muntu ke talaka yina ke monika na meso, kansi Mfumu Nzambi ke talaka ntima.” (1 Samuele 16:6, 7) Samuele kunungaka ve na kutadila Eliabi mutindu Yehowa vandaka kutadila yandi.a

Beto Tadila Bantu Yankaka Mutindu Yehowa Ketadilaka bo

Nzozulu ya Nkengi—2003 | avril 1
- a Na nima yo monikaka pwelele nde Eliabi yina vandaka kitoko kuvandaka ve ti bikalulu yina Nzambi vandaka kulomba sambu na kuvanda ntotila ya mbote ya Izraele. Ntangu Goliati muntu ya nene mpi ya nda ya Filistia kunwanisaka bantu ya Izraele, Eliabi, ti bantu yankaka ya Izraele, kuvutukaka nima sambu na boma.—1 Samuele 17:11, 28-30.