NGIUFULA 6
Inki mambu Biblia tubaka na ntwala sambu na Mesia?
MBIKUDULU
“Nge, O Betelemi Efrata, . . . muntu yina ta vanda mfumu na Izraele sambu na mono ta basika na nge.”
KULUNGANA
“Ntangu Yezu butukaka na Betelemi ya Yudea na bilumbu ya ntotila Erode, bantu ya ke zabisaka makwisa na nsadisa ya bambwetete katukaka na Esti mpi kwisaka na Yeruzalemi.”
MBIKUDULU
“Bo ke kabula bilele na mono bo na bo, mpi bo ke budila bilele na mono zeke.”
KULUNGANA
“Ntangu basoda tulaka Yezu na zulu ya nti, bo bakaka bilele na yandi ya zulu mpi kabulaka yo na bitini iya. . . . Kansi, lele yina ya kati vandaka ve ya kutunga, yo vandaka kaka lele mosi katuka na zulu tii na nsi. Yo yina bo tubaka bo na bo nde: ‘Beto pasula yo ve, kansi beto budila yo zeke sambu na kuzaba kana yo ta vanda ya nani.’”
MBIKUDULU
“Yandi ke tanina mikwa na yandi yonso; bo me buka ve ata mukwa na yandi mosi.”
KULUNGANA
“Ntangu bo kumaka na Yezu, bo monaka nde yandi fwaka dezia, yo yina bo bukaka ve makulu na yandi.”
MBIKUDULU
“Bo tobulaka yandi sambu na mbi na beto.”
KULUNGANA
“Soda mosi tobulaka yandi mpanzi ti dikonga, mpi na mbala mosi menga ti masa basikaka.”
MBIKUDULU
“Bo pesaka mono lufutu na mono, mbongo 30 ya bibende.”
KULUNGANA
“Ebuna, mosi na kati ya bantumwa 12, yina bo vandaka kubinga Yudasi Iskariote, kwendaka na bamfumu ya banganga-nzambi mpi tubaka nde: ‘Inki beno ta pesa mono sambu mono tekila beno yandi?’ Bo silaka na kupesa yandi mbongo 30 ya bibende.”