16, 17. (a) Inki tasalama na ntwala nde ‘mpasi ya nene’ kumana? (b) Inki beto tatadila na disolo ya kelanda?

¹⁶ Ntangu lenda kwisa yina nsangu ya beto kezabisa tavanda bonso “milolo ya ngolo ya bitumba.” Na mukanda ya Kusonga, bo kemonisa bansangu ya ngolo ya ndola bonso ‘matadi ya nene ya mvula yina konso ditadi kele na kilo kiteso ya makumi iya.’b Mpi Kusonga 16:21 ketuba nde: “Yo vandaka mpasi mosi ya kuluta ngolo mpenza.” Beto mezaba ntete ve nki mukumba kisalu ya nzo na nzo tasala na yina metala kuzabisa bandola yai ya mfunu. Kansi, beto lenda ndima nde na ntwala nde ‘mpasi ya nene’ kumana, zina ya Yehowa tazabana na kiteso mosi ya yo mezabanaka ntete ve na luzingu ya bantu.​—Kus. 7:14; Ezek. 38:23.