Kalandrie ya 2011 Kebenda Dikebi na Lusambu ya Dibuta

Ntu-dyambu ya kalandrie ya 2011 ya Bambangi ya Yehowa kele Lusambu ya Dibuta. Kalandrie yango ketubila mabuta ya ntangu na beto mpi mabuta ya ntangu ya ntama. Yo kemonisa mpi bansadi ya Yehowa yina mekwelaka ti bayina kele bampumpa, bo kelonguka Ndinga na yandi.

Bantu yina Biblia ketubilaka ya bo memonisa na kalandrie yango vandaka kumona kyese na bansiku ya Yehowa, mpi yo sadisaka bo mingi na kununga bampasi ya kuswaswana yina bo vandaka kukutana na yo. (Nk. 1:2, 3) Na ntangu beto ketadila konso kifwanisu, yo tayibusa beto mfunu ya Lusambu ya Dibuta, yo vanda beto kele na dibuta ya nene to ya fyoti, yo vanda beto kele ti balukwikilu mosi to ya kuswaswana. Bo mebikisa mpwasa na kalandrie sambu beno sonika kilumbu yina dibuta na beno mepona sambu na Lusambu ya Dibuta. Keti beno mefulusa yo?