Manaka Sambu na Mposo ya Desembri 30

MPOSO YA KE BANDA NA DESEMBRI 30

Nkunga 126 mpi Kisambu

□ Kulonguka ya Biblia ya Dibundu:

jl Dilongi ya 26 tii ya 28 (Min. 30)

□ Nzo-Nkanda ya Kisalu ya Teokrasi:

Lutangu ya Biblia: Kusonga 15-22 (Min. 10)

Mvutukilu ya Nzo-Nkanda ya Kisalu ya Teokrasi (Min. 20)

□ Lukutakanu ya Kisalu:

Nkunga 43

Min. 10: “Beto Sadisa Bo na Kuvanda ‘Ngolo na Lukwikilu.’” Diskure. Na nima, sadisa nsonga mosi ya nkufi ya ke monisa mutindu beto lenda sadila baperiodike sambu na kuyantika kulonguka Biblia ti muntu na Sabala ya ntete ya Yanuari. Siamisa bantu yonso na kusala yo.

Min. 10: Sadisa Mwana na Nge na Kukuma Nsamuni. Disolo ya me katuka na mukanda Beto Mevukana lutiti 82, baparagrafe 1-2. Yula bangiufula na kibuti mosi ya ke pesaka mbandu ya mbote mpi ya kele ti mwana yina kele nsamuni ya me bakaka ntete ve mbotika. Inki mutindu yandi sadisaka mwana na kuyela mpi na kulungisa mambu ya bo ke lombaka sambu na kukuma nsamuni?

Min. 10: Beto Kele Ve Beto Mosi. (2 Bant. 6:16) Disolo ti bawi ya me katuka na Annuaire ya 2013, lutiti 48, baparagrafe 1-3. Lomba bawi na kutubila malongi yina bo me baka.

Nkunga 119 mpi Kisambu

Beto Sadisa Bo na Kuvanda “Ngolo na Lukwikilu”

Yo ke pesaka kiese mingi na kumona mutindu Yehowa ke sakumunaka kisalu ya kuvukisa bantu, sambu konso mvula bantu kuluta 250 000 ke bakaka mbotika. (Kul. 28:2) Kana nsamuni me sadisa longoki na kubaka mbotika imene, mbala mingi nsamuni lenda zenga kulonguka ti yandi mpi kutula dikebi na kusadisa bantu ya nkaka. Longoki mpi lenda yambula kulonguka sambu na kulutisa ntangu mingi na kisalu ya kusamuna. Kansi, yo kele mfunu nde balongoki ya Biblia kuvanda ti fondasio ya mbote na kieleka. Bo fwete vanda “ti misisa ya ngolo” na Kristu mpi kuvanda “ngolo na lukwikilu.” (Bakol. 2:6, 7; 2 Tim. 3:12) Yo yina, kana longoki me baka mbotika, yandi fwete landa kulonguka Biblia tii kuna yandi ta manisa mikanda yai zole Biblia Kelongaka ti “Zola ya Nzambi.”—Tala Kisalu na Beto ya Kimfumu ya Aprili 2011, lutiti 2.

Mvutukilu ya Nzo-Nkanda ya Kisalu ya Teokrasi

Beno ta sadila bangiufula yai ya ke landa na Nzo-Nkanda ya Kisalu ya Teokrasi na mposo yina ke banda na Desembri 30, 2013. Beto me tula dati yina beno ta longuka mambu yonso yina bangiufula ke tadila na mpila nde beno kuka kusala bansosa ntangu beno ta bongisaka nzo-nkanda konso mposo.

1. Inki ta sadisa beto na kumonisa mawete na bamfumu ya leta? (Tito 3:2) [Nov. 4, w03 4/1 lut. 29 bapar. 18-19]

2. Inki dilongi beto lenda baka na bangogo yina Polo zabisaka Filemoni, ya kele na Filemoni 4, 5, mpi 7? [Nov. 4, w08 10/1 lut. 31 bapar. 1, 2; w92-F 4/15 lut. 25 par. 2]

3. Inki mutindu beto lenda kota na kupema ya Nzambi? (Baeb. 4:9-11) [Nov. 11, w11 7/1 lut. 28 bapar. 16, 17]

4. Inki dilongi beto lenda baka na mbandu ya Samuele, bazuzi mpi baprofete ya kwikama yina salaka mambu ya “lunungu”? (Baeb. 11:32, 33) [Nov. 18, w11-F 1/1 lut. 25 bapar. 5, 6]

5. Sambu na nki Yakobo sonikaka nde “mayele yina ke katukaka na zulu ke vandaka ntete-ntete bunkete, na nima ngemba”? (Yak. 3:17) [Nov. 25, w11 8/1 balut. 26-27 par. 15]

6. Banani kele “bafwa” yina “bo zabisaka  . . . nsangu ya mbote”? (1 Pie. 4:6) [Des. 2, w08 11/1 lut. 21 par. 8]

7. Na kutadila 1 Yoane 2:7, 8, inki nsiku Yoane ke binga “ya ntama” mpi “ya mpa”? [Des. 9, w08 12/1 lut. 30 par. 6]

8. Ba titre “Alfa mpi Omega” ti “Muntu ya Ntete mpi Muntu ya Nsuka” ke sadilamaka na nani? (Kus. 1:8, 17) [Des. 16, w09-F 1/15 lut. 30 par. 6]

9. Na inki mitindu zole bo ke tulaka Bakristu yina bo me tulaka mafuta “bidimbu”? (Kus. 7:3) [Des. 23, w07-F 1/1 lut. 31 par. 2]

10. Sambu na nki beto lenda ndima kibeni nde balusakumunu ya Kimfumu ya Nzambi kele ya kieleka mpi kuzaba diambu yai fwete vanda ti inki bupusi na luzingu na beto? (Kus. 21:5, 6) [Des. 30, re-F lut. 304 par. 9]