“Beto Yambula Ve”

4:16-18

Yindula nde mabuta zole ke zinga na nzo mosi ya kubeba. Dibuta mosi ke kudiyangisa. Kansi dibuta ya nkaka kele na kiese. Sambu na nki? Sambu ntama mingi ve dibuta yina ke kudiyangisa ve ta kota na nzo ya mpa yina ta vanda kitoko.

Ata “lugangu yonso ke landa kudila kumosi mpi kumona mpasi kumosi,” bansadi ya Nzambi kele ti kivuvu ya ke pesaka bo kikesa. (Bar 8:22) Beto ke zabaka nde bampasi ya beto ke kutana ti yo bubu yai, ata yina beto kutanaka ti yo bamvula me luta ke ‘zingaka mingi ve mpi yo kele ve kizitu’ kana beto fwanisa yo ti luzingu ya mvula na mvula na nsi-ntoto ya mpa. Kana beto ke tula dikebi na mambote yina Kimfumu ta nata, yo ta sadisa beto na kuvanda na kiese mpi na kuyambula ve.