Tuba Mambu ya Kieleka mpi ya Ke Ndimisa

Luka 1:3

NA BUNKUFI: Sala bansosa na mikanda yina ke tuba mambu ya kieleka sambu na kusadisa bawi na kundima kibeni.

MUTINDU YA KUSALA YO:

• Sala bansosa na mikanda ya mbote. Tubila mambu ya kele na Ndinga ya Nzambi mpi tanga yo kana mpila kele. Kana nge ke tubila diambu ya me tala siansi, bansangu, mbandu to mambu ya nkaka, zikisa kana bansangu yango kele ya kieleka mpi ya mpa.

• Sadila bansosa na mutindu ya mbote. Tendula verse na kuwakana ti baverse yina kele na ntwala mpi na nima na yo, na kuwakana mpi ti Biblia ya mvimba mpi mutindu “mpika ya kwikama mpi ya mayele” me tendulaka yo na mikanda. (Mat. 24:45) Sadila mbote bansosa yina me katuka ve na Biblia kukonda kusoba ntendula na yo ya kisina to ngindu ya nsoniki.

• Yindula ti bawi na nge. Na nima ya kutanga verse mosi to kutubila nsosa mosi, yula bangiufula ya mayele to pesa mbandu sambu na kusadisa bawi na kubaka malongi.